بھارت کے خلاف تیسرے ٹیسٹ میچ کے لیے آسٹریلیا کی جانب سے پلیئنگ الیون میں ایک تبدیلی کی گئی ہے۔
اسکاٹ بولینڈ کی جگہ فاسٹ بولر جوش ہیزل ووڈ کی واپسی ہوئی ہے۔
جوش ہیزل ووڈ فٹنس مسائل کے باعث ایڈیلیڈ ٹیسٹ نہیں کھیل سکے تھے۔
کپتان پیٹ کمنز نے جوش ہیزل ووڈ کی پلیئنگ الیون میں شمولیت کا اعلان کیا ہے۔
پیٹ کمنز کا کہنا ہے کہ اسکاٹ بولینڈ بدقسمتی سے جگہ برقرار نہیں رکھ سکے۔
ان کا کہنا ہے کہ یہ ایک مشکل فیصلہ تھا، اسکاٹ بولینڈ نے ایڈیلیڈ میں اچھی بولنگ کی تھی۔
واضح رہے کہ آسٹریلیا اور بھارت کے درمیان تیسرا ٹیسٹ میچ کل سے شروع ہو گا۔
دونوں ٹیموں کے درمیان 5 ٹیسٹ میچز کی سیریز ایک ایک سے برابر ہے۔
