راولپنڈی کرکٹ اسٹیڈیم میں فین پارک کے قیام کی ذمے داری آئی سی سی کی ہو گی۔
ذرائع کے مطابق پی سی بی کی جانب سے آئی سی سی کو صرف راولپنڈی کرکٹ اسٹیڈیم کا نام تجویز کیا گیا ہے۔
فین پارک سے متعلق رواں ہفتے آئی سی سی اور پی سی بی کے درمیان میٹنگ ہو گی، آئی سی سی فین پارک کی ٹکٹوں کا فیصلہ پی سی بی کے ساتھ میٹنگ میں کرے گا۔
ذرائع کا کہنا ہے کہ راولپنڈی کرکٹ اسٹیڈیم کو پاک بھارت میچ کی اسکریننگ کے لیے سجایا جائے گا۔
ورلڈ کپ کے دوران مختلف میچز کے لیے 5 ملکوں میں فین پارک بنیں گے جو میچ سے 90 منٹ قبل تماشائیوں کے لیے کھول دیے جائیں گے۔
پاک بھارت میچ کے لیے نیویارک، برمنگھم، جوہانسبرگ، نئی دہلی اور ٹیکساس میں بھی فین پارک ہوں گے۔
