پاکستان کرکٹ ٹیم کے سابق کپتان سرفراز احمد اس مرتبہ بھی عیدالاضحیٰ پر اپنے جانوروں ڈھولو اور بھولو کی قربانی کرنے کے لیے تیار ہیں۔
کراچی میں ’جیو نیوز‘ سے گفتگو کرتے ہوئے سرفراز احمد نے کہا کہ اگلے سال کی قربانی کی تیاری ابھی سے شروع کر دی ہے جس کے لیے ایک جانور خرید لیا ہے اور ایک جانور لینا باقی ہے۔
سرفراز احمد نے کہا کہ مہنگائی اتنی زیادہ ہو گئی ہے، ہماری گلی اور محلے میں بھی اس مرتبہ اتنے زیادہ جانور نہیں آئے، اس سال مہنگائی کی وجہ سے قربانی کا جوش و جذبہ کم نظر آ رہا ہے۔
سابق کپتان نے بتایا کہ شام میں موسم ٹھنڈا ہونے کے بعد جانوروں کے پاس بیٹھتا ہوں اور شام اور رات میں انہیں ٹہلاتا ہوں۔
سرفراز احمد نے ٹی ٹوئنٹی ورلڈ کپ کے حوالے سے گفتگو کرتے ہوئے کہا کہ پاکستان ٹیم نے کوشش کی پھر بھی ان کو سپورٹ کرنا ہے، ہر حال میں ہمیں پاکستان ٹیم کو سپورٹ کرنا ہے۔
