پاکستان آرمی نے 2 روزہ نیشنل انڈر 17 تائی کوانڈو چیمپئن شپ جیت لی۔
فاتح ٹیم نے سونے کے 7، چاندی کے 4 اور کانسی کے 2 تمغے حاصل کیے، سندھ کی ٹیم کی دوسری پوزیشن رہی۔
لاہور کے نشتر اسپورٹس کمپلیکس کے جمنازیم ہال میں کھیلی جانے والی تائیکوانڈو چیمپئن شپ میں پاکستان آرمی نے 7 گولڈ، 4 سلور اور 2 برونز میڈلز جیت کر پہلی پوزیشن حاصل کی۔
سندھ کی ٹیم 2 گولڈ، 7 سلور اور 2 برونز میڈلز کے ساتھ دوسرے نمبر پر رہی جبکہ پنجاب کی ٹیم نے 2 گولڈ، 5 سلور اور 1 برونز میڈل جیتا، اُس کی تیسری پوزیشن رہی۔
چیمپئن شپ میں لڑکوں اور لڑکیوں نے مختلف کیٹیگریز میں مہارت کا مظاہرہ کر کے اپنی شناخت بنائی۔ اُن کا کہنا ہے کہ اس کھیل سے سیلف ڈیفنس کا موقع ملتا ہے ایسے ایونٹس ہونے چاہئیں۔
