ٹی ٹوئنٹی ورلڈکپ 2024 کے ساتویں میچ میں نیپال کی ٹیم نیدرلینڈز کے خلاف 106 رنز پر ڈھیر ہوگئی۔
امریکا کے شہر ڈیلاس میں کھیلے جارہے اس میچ میں نیدرلینڈز نے ٹاس جیت کر نیپال کو پہلے بیٹنگ کرنے کی دعوت دی۔
نیپال کی ٹیم آخری اوور میں 106 رنز بنا کر آل آؤٹ ہوگئی۔ نیپالی کپتان روہیت پاؤڈل نے 37 رنز کی اننگز کھیلی جبکہ کرن کے سی نے 17، گلشن جھا نے 14 اور انیل ساہ نے 11 رنز بنائے۔ انکے علاوہ کوئی کھلاڑی ڈبل فیگر میں بھی داخل نہ ہوسکا۔
نیدرلینڈز کی جانب سے ٹم پرینگل اور لوگان وین بیک نے تین تین کھلاڑیوں کو آؤٹ کیا جبکہ پال وین میریکن اور باس ڈی لیڈا نے دو دو وکٹیں لیں۔
