پاکستان نے انگلینڈ کو راولپنڈی ٹیسٹ میں نو وکٹوں سے شکست دے کر تین میچز کی سیریز دو ایک سے اپنے نام کر لی ہے۔ پاکستان اپنی سرزمین پر ساڑھے تین سال بعد کوئی سیریز جیتا ہے جب کہ انگلینڈ کے خلاف آٹھ برس بعد پاکستان نے کوئی ٹیسٹ سیریز جیتی ہے۔ پاکستان نے آخری بار 13 برس قبل انگلینڈ کو اپنی سرزمین پر ہرایا تھا۔ حالیہ سیریز میں پاکستانی اسپنرز ساجد خان اور نعمان علی نمایاں رہے جنہوں نے دو میچز میں مجموعی طور پر 39 وکٹیں حاصل کیں۔ سیریز میں 19 وکٹیں حاصل کرنے پر ساجد خان سیریز کے بہترین کھلاڑی بھی قرار پائے ہیں۔
