لاہور(ڈیلی پاکستان آن لائن)پاکستان کے سابق ہیڈکوچ جیسن گلیسپی نے کہاہے کہ ٹیم کے انتخاب میں کوئی کردار نہیں دیاگیا،میراکردار صرف میچ کے دن تک محدود ہو گیا تھا،ٹم نیلسن کی برطرفی کے فیصلے پر مجھے بالکل بھی اعتماد میں نہیں لیاگیا،ٹم نیلسن کی برطرفی پر پی سی بی کی طرف سے اطلاع نہ ملنا ناقابل قبول تھا۔
نجی ٹی وی سما نیوز کے مطابق آسٹریلوی میڈیا کو انٹرویو دیتے ہوئے جیسن گلیسپی نے کہاکہ ٹیم اور کوچنگ گروپ کی مثبت کارکردگی کے باوجود فیصلے حیران کن تھے،ان کاکہناتھا کہ پاکستان میں ٹیلنٹ کی کمی نہیں، صحیح طریقے سے نکھارا جائے تو بہترین ٹیم بن سکتی ہے،سابق ہیڈکوچ نے کہاکہ پاکستان کرکٹ ٹیم کے ساتھ بہت سی مثبت پیشرفت ہو رہی تھی،اگر نظام بہتر ہو تو پاکستان کرکٹ کو بہتری سے کوئی نہیں روک سکتا۔
