انڈر 19 کرکٹ ورلڈ کپ کے گروپ بی کے مقابلے میں جنوبی افریقا نے اسکاٹ لینڈ کو 7 وکٹوں سے ہرا دیا۔
پوچسٹروم میں کھیلے گئے میچ میں اسکاٹ لینڈ کی انڈر 19 ٹیم نے 9 وکٹوں پر 269 رنز بنائے۔
اسکاٹ لینڈ کے اوون گولڈ نے 97 اور جمی ڈنک نے 90 رنز کی نمایاں اننگز کھیلیں جبکہ عزیر احمد نے 23 رنز بنائے۔
جنوبی افریقا کے ریلی نورٹن نے 3 کھلاڑیوں کو پویلین کی راہ دکھائی۔
جواب میں جنوبی افریقی ٹیم نے 270 رنز کا ہدف 27 اوورز میں 3 وکٹ کے نقصان پر حاصل کرلیا۔
اسٹیو اسٹاک نے 13 گیندوں پر نصف سنچری بنائی جبکہ وہ 37 گیندوں پر 87 رنز بناکر پویلین لوٹ گئے۔
دیوان مارئس نے 50 گیندوں پر 80 جبکہ ڈیوڈ ٹیگر نے 38 گیندوں پر 43 رنز بناکر ناقابل شکست رہے۔
یوں گروپ بی میں جنوبی افریقا ٹاپ پوزیشن پر ہے جبکہ دوسرے نمبر پر انگلینڈ کی ٹیم ہے۔
