لندن(ڈیلی پاکستان آن لائن)انگلینڈ چیمپئنزٹرافی کیلئے اپنی ٹیم کا اعلان کرنے والی پہلی ٹیم بن گئی ،انگلینڈ نےد ورہ بھارت اور چیمپئنزٹرافی کیلئے 15رکنی سکواڈ کا اعلان کردیا۔
نجی ٹی وی چینل ایکسپریس نیوز کے مطابق جوزبٹلرکوکپتان برقراررکھا گیا ہے جبکہ آل راؤنڈر بین سٹوکس 15رکنی سکواڈ میں جگہ نہ بنا پائے،دیگر کھلاڑیوں میں جوفراآرچر،گس ایٹکنسن، جیکب بیتھل شامل ہیں، اس کے علاوہ ہیری بروک،بریڈن کارس، بین ڈکٹ، جیمی ادورٹن، جیمی سمتھ ،لیام لیونگسٹن، عادل رشید، جوروٹ، ثاقب محمود، فل سالٹ، اور مارک ووڈ چیمپئنزٹرافی سکواڈ کا حصہ ہیں۔
ممکنہ شیڈول میں انگلینڈ نے میگاایونٹ میں 22فروری کو لاہور میں آسٹریلیا کیخلاف پہلا میچ کھیلنا ہے۔
