کراچی (مانیٹرنگ ڈیسک) اسرائیلی اور بھارتی میڈیا رپورٹس میں انکشاف ہوا ہےکہ غزہ پٹی میں اسرائیلی فوج بھارتی دھماکہ خیز مواد استعمال کررہی ہے ، اسرائیل کو امریکی جنگی ساز و سامان بھارت کے ہنگامی سٹور ہاؤسز سے فراہم کیا گیا ، اسرائیلی فوج کو 20 بھارتی ساختہ ہرمیس 900ڈرون فراہم کیے گئے جو غزہ پر حملوں میں استعمال ہوتے ہیں۔
“جنگ ” کے مطابق انڈین ٹریڈ یونین نے اسرائیل کو اسلحہ لے جانے والے تمام بحری جہازوں کے بائیکاٹ کا اعلان کیا ، حیدرآباد میں تیار کیے گئے ڈرون حماس جنگ میں اسرائیل کی ضروریات کو پورا کرنے میں مدد کریں گے ۔ اسرائیلی اخبار’ہرٹز‘ نے انکشاف کیا ہے کہ 2023ء میں امریکہ نے اسرائیل میں اپنے ہنگامی گوداموں سے یوکرین کو لاکھوں گولے فراہم کرنا شروع کیے۔
