واشنگٹن(ڈیلی پاکستان آن لائن ) امریکا نے سعودی عرب کو تارپیڈو کی فروخت کی منظوری دے دی۔
غیر ملکی خبر رساں ایجنسی کے مطابق امریکا اور سعودی عرب کے درمیان دفاعی تعاون اور معاہدے میں پیشرفت ہوئی ہے۔ پینٹاگون کے مطابق امریکا نے سعودی عرب کو سمندر میں مار کرنے والے تارپیڈو کی فروخت کی منظوری دے دی۔
امریکا سعودی عرب کو 78 کروڑ 50 لاکھ ڈالر کے تارپیڈو دے گا۔ امریکی حکام کے مطابق امریکی تارپیڈو سے سعودی عرب کی آبدوز شکن جنگی صلاحیتوں میں اضافہ ہو گا اور ریاض مستقبل کے خطرات سے نمٹنے کی صلاحیت کو بہتر بنائے گا۔
رپورٹ کے مطابق امریکا اور سعودی عرب کے اعلیٰ فوجی حکام نے گزشتہ ماہ شرق اوسط میں سلامتی اور استحکام کے خدشات کے بارے میں کال پر بات کی تھی۔
