ایک اور طیارے کی ایمرجنسی لینڈنگ عملے کا رکن جان سے ہاتھ دھو بیٹھا

برن (ویب ڈیسک) کیبن دھویں سے بھر جانے کے بعد طیارے کی ہنگامی لینڈنگ کے دوران عملے کے رکن کی موت ہو گئی، ایئربس A220-300 میں 74 مسافر اور عملے کے پانچ ارکان سوار تھے جسے مبینہ طورپر  انجن میں خرابی کے باعث ہنگامی لینڈنگ کرنی پڑی۔

برطانوی جریدے ’ ڈیلی سٹار ‘ کے مطابق ایک بڑی یورپی ائیرلائن کی پرواز کو ایسے واقعات کے سلسلے میں ہنگامی لینڈنگ کرنے پر مجبور کیا گیا ہے جس کے نتیجے میں عملے کے ایک رکن کی موت واقع ہو گئی۔ ابتدائی تحقیقات سے یہ بات سامنے آئی ہے کہ ایک انجن میں تکنیکی خرابی کی وجہ سے سوئس انٹرنیشنل ایئر لائنز کی بوخارسٹ، رومانیہ سے سوئٹزرلینڈ کے شہر زیورخ جانے والی پرواز کے کیبن میں دھواں بھر گیا تھا۔

 لینڈنگ کے بعد، 12 افراد کو انخلاء کے بعد جائے وقوعہ پر طبی امداد دی گئی، جن میں ایک کارکن کو لے جایا گیا جو زندگی اور موت کی کشمکش میں رہنے کے بعد انتقال کرگیا۔

سوئس انٹرنیشنل ایئر لائنز کے ترجمان نے کہا: “ہمیں انتہائی دکھ اور افسوس کے ساتھ یہ اطلاع دینا چاہیے کہ ہمارے نوجوان ساتھی کا   گریز کے ہسپتال میں انتقال ہو گیا۔”