نئی دہلی(نیوز ایجنسی)بھارتی سپریم کورٹ نے ملک کے متنازع انتخابی فنڈنگ نظام کو ختم کرنے کا حکم جاری کیا ہے جس کے تحت لوگ اپنی شناخت ظاہر کئے بغیر سیاسی جماعتوں کو عطیات بھیج سکتے تھے، بھارتی سپریم کورٹ کے5 رکنی ججز پر مشتمل نیچ نے متنازع انتخابی بانڈز کو غیر قانونی قرار دے دیا ۔واضح رہے کہ بھارتی سپریم کورٹ کا فیصلہ ملک میں عام انتخابات سے محض چند ماہ قبل آیا ہے۔ اس فیصلے کو بی جے پی کے لیے ایک دھچکا قرار جا رہا ہے کیونکہ بانڈ کے نظام سے سب سے زیادہ فائدہ اٹھانے والی جماعت نریندرا مودی کی حکمران جماعت بھارتیا جنتا پارٹی ہی رہی ہے۔
