نئی دہلی ( ڈیلی پاکستان آن لائن )بھارتی ریاست اتر پردیش میں مسافر بس دودھ سپلائی کرنے والے ٹرک سے ٹکرا گئی جس کے نتیجے میں 18 افراد ہلاک اور 19 زخمی ہوگئے۔
بھارتی پولیس کے مطابق ہلاک ہونے والوں میں 3 خواتین اور ایک بچہ بھی شامل ہے، ڈبل ڈیکر بس بہار سے دہلی جارہی تھی، لکھنو آگرہ ایکسپریس وے پر بس پیچھے سے دودھ کے ٹینکر سے ٹکرائی۔بھارتی میڈیا کے مطابق حادثے کے نتیجے میں بس کو بھی بری طرح نقصان پہنچا جبکہ مسافروں کا سامان بھی تباہ ہوگیا، حادثہ آج صبح پیش آیا، تمام زخمیوں کو ہسپتال منتقل کردیا گیا ہے۔
