(ویب ڈیسک) بنگلا دیش میں جاری مظاہروں کے درمیان پرجوش انداز میں بھرپور نعرے بازی کرنے والے شخص کی ویڈیو وائرل ہو رہی ہے جس کی شکل ہو بہو بھارتی سٹار کرکٹر ویرات کوہلی سے ملتی ہے۔
سوشل میڈیا پر وائرل ہونے والی ویڈیو میں دیکھا جاسکتا ہےکہ ویرات کوہلی کے ہم شکل ایک شخص کو بنگلادیشی نوجوانوں نے کندھے پر اٹھایا ہوا ہے اور وہ بھرپور جوش وخروش سے نعرے لگا رہا ہے، کوہلی کے ہم شکل اس شخص نے آئی پی ایل فرنچائز رائل چیلنجز بنگلورو کی ٹوپی بھی پہنی ہوئی ہے، پہلی نظر میں ایسا معلوم ہوتا ہےکہ یہ بھارتی کرکٹر ویرات کوہلی ہی ہیں جو بنگلادیشی مظاہرین سے اظہار یکجہتی کے لیے احتجاج میں شامل ہوگئے ہیں۔
دوسری جانب بھارتی میڈیا کے مطابق یہ ویڈیو گزشتہ روز (5 اگست) کی ہے جب حسینہ واجد کی جانب سے مستعفی ہونے اور بھارت فرار ہونے کی خبر سامنے آئی تھی جس کے بعد بنگلادیشی عوام کی بڑی تعداد سڑکوں پر جشن منانے کے لیے نکل آئی تھی۔
یہ بھی پڑھیں: حسینہ واجد کے بعد بنگلہ دیشی کرکٹ بورڈ کے سربراہ اور کئی ڈائریکٹرز بھی ملک سے فرار
ویڈیوکی سوشل میڈیا پر دھوم مچی ہوئی ہے اور صارفین اس حوالے سے دلچسپ تبصرے کر رہے ہیں۔
