نئی دہلی(نیوزڈیسک)بھارتی کمپنی ایم ڈی ایچ نے وضاحتی بیان دیتے ہوئے کہا ہے کہ اس کی تمام تر مصنوعات استعمال کے لیے محفوظ ہیں۔
مسالے بنانے والی اس مشہور کمپنی کے بارے میں ایسی خبریں ہیں کہ اس کے کچھ مسالوں میں ایسے کیمیکلز کی موجودگی کا پتہ چلا ہے، جو کینسر کا باعث بن سکتے ہیں۔اور امریکہ میں اس بارے میں تحقیقات شروع ہوگئی ہیں۔
ہانگ کانگ نے رواں ماہ ہی ایم ڈی ایچ کے3 مسالوں جبکہ ایوسٹ کمپنی کی ایک پراڈکٹ کو مضر صحت قرار دیتے ہوئے اس کی فروخت پر پابندی عائد کر دی تھی۔ سنگاپور نے بھی ایورسٹ مسالہ جات کو دکانوں سے اٹھوانے کا حکم دے دیا ہے۔
