ٹوکیو (ڈیلی پاکستان آن لائن )جاپان میں ہونے والے قبل از وقت پارلیمانی انتخابات میں حکمران اتحاد کی اکثریت ختم ہو گئی۔
غیر ملکی خبر ایجنسی کے مطابق اپوزیشن اتحاد نے گزشتہ انتخابات کے مقابلے میں 98 سیٹیں زیادہ حاصل کی ہیں تاہم وہ بھی حکومت بنانے کے لئے مطلوبہ نشستیں حاصل نہ کر سکی۔
جاپان ٹائمز کے مطابق ملک میں قبل ازوقت ہونے والے پارلیمانی انتخابات میں کوئی جماعت اکثریت حاصل نہیں کر سکی اور 15 برس میں پہلی بار جاپان کی حکمران جماعت لبرل ڈیموکریٹک پارٹی ایوان زیریں میں اکثریت کھو بیٹھی۔
خبر ایجنسی کے مطابق لبرل ڈیموکریٹک پارٹی اور اتحادی جماعت کومیٹو نے 215 نشستیں حاصل کیں جبکہ اپوزیشن کی کانسٹیٹیوشنل ڈیموکریٹک پارٹی آف جاپان نے 148 نشستیں حاصل کیں، پچھلے انتخابات میں کانسٹیٹیوشنل ڈیموکریٹک پارٹی آف جاپان نے 58 نشستیں حاصل کی تھیں۔
جاپان میں حکومت قائم کرنے کیلئے کسی بھی جماعت کو ایوان زیریں میں 465 میں سے 233 نشستیں درکار ہوتی ہیں۔
