صنعا (ڈیلی پاکستان آن لائن) یمنی حوثیوں نے خلیج عدن میں امریکی جہاز پر میزائلوں سے حملہ کر دیا۔
نجی ٹی وی ہم نیوز کے مطابق حوثی بحری افواج کی جانب سے امریکی جہاز پر میزائل داغے گئے جس کا نام چم رینجرز بتایا گیا ہے تاہم جہاز کو نقصان پہنچا یا نہیں اس حوالے سے اطلاعات سامنے نہیں آئیں۔ چم رینجرز مارشل آئی لینڈز کا جھنڈا بردار امریکی بحری جہاز ہے۔
برطانیہ کی میری ٹائم رسک مینجمنٹ کمپنی کی جانب سے کہا گیا کہ میزائل جہاز سے 30 میٹر دور گرا، بتایا گیا ہے کہ جہاز جدہ سے کویت کی جانب محو سفر تھا۔
