نئی دہلی(مانیٹرنگ ڈیسک) جھلسا دینے والی اس گرمی میں بھارت سے ایک ایسی ویڈیو سامنے آئی ہے کہ دیکھ کر یقین کرنا مشکل ہو جائے۔
ٹائمز آف انڈیا کے مطابق اس ویڈیو میں بھارتی بارڈر سکیورٹی فورس ( بی ایس ایف) کے ایک جوان کو دوپہر کے وقت تپتی ریت پر پاپڑ روسٹ کرتے ہوئے دیکھا جا سکتا ہے۔
یہ ویڈیو ایکس اکائونٹ ’@FrontalForce‘ پر پوسٹ کی گئی ہے، جس میں بی ایس ایف کی یونیفارم میں ملبوس نوجوان ریت میں پاپڑ دباتا ہے اور چند سیکنڈز بعد انہیں باہر نکالتا ہے تو وہ روسٹ ہو چکا ہوتا ہے۔اس ویڈیو کے ساتھ کیپشن میں بتایا گیا ہے کہ یہ جوان بیکانیر کے قریب بارڈر پر ڈیوٹی سرانجام دے رہا ہے جہاں اس قدر گرمی پڑ رہی ہے کہ چند سیکنڈز ریت میں دبانے سے پاپڑ بھی روسٹ ہو جاتے ہیں۔
Salute to Our Jawans
BSF Jawan roasting a papad in sand in Bikaner, Rajasthan along IB serving motherland in such heat.pic.twitter.com/FV4Mi7hJra
— Frontalforce ???????? (@FrontalForce) May 22, 2024
واضح رہے کہ بیکانیر بھارت کے گرم ترین شہروں میں شمار ہوتا ہے جہاں رواں سال اب تک 46ڈگری سینٹی گریڈ درجہ حرارت ریکارڈ کیا جا چکا ہے اور آئندہ دنوں اس میں مزید اضافہ متوقع ہے۔
