یوکرین پر روسی حملے کو ہفتے کو دو برس مکمل ہو گئے ہیں۔ صدر پوٹن کے حکم پر روسی فوج نے 24 فروری 2022 کو یوکرین پر شمال، مشرق اور جنوب کی جانب سے حملے کا آغاز کیا تھا۔ یوکرین جنگ میں اب تک ہزاروں افراد کی جانیں جا چکی ہیں جب کہ لاکھوں افراد بے گھر اور کئی شہر ملبے کے ڈھیر میں تبدیل ہو چکے ہیں۔ جنگ کے دو برس مکمل ہونے پر یوکرین سمیت مختلف ممالک میں متاثرین کے ساتھ اظہارِ یکجہتی کے لیے تقاریب کا انعقاد کیا گیا جب کہ جنگ میں ہلاک ہونے والے فوجیوں کی یاد میں ان کی قبروں پر پھول رکھے گئے۔
