بیونس آئرس (ڈیلی پاکستان آن لائن )پاکستانی کوہ پیما سعد منور نے ایشیاسے باہر دنیا کی بلند ترین پہاڑی چوٹی ایکونکواگوا پر اذان دینے اور پاکستان کا جھنڈا بلند کرنے کا اعزاز حاصل کرلیا۔جنگ کے مطابق فوٹو اینڈ ویڈیو شیئرنگ پلیٹ فارم انسٹاگرام پر کوہ پیما سعد منور نے اذان دیتے ہوئے ایک ویڈیو شیئر کی ہے۔
مذکورہ ویڈیو میں انہیں ارجنٹینا میں واقع دنیا کے بلند ترین پہاڑوں میں سے ایک ایکونکواگوا کی چوٹی پر اذان دیتے ہوئے دیکھا جاسکتا ہے،انہوں نے انسٹاپوسٹ کے کیپشن میں اس اعزاز کو حاصل کرنے پر شکریہ بھی ادا کیا۔انہوں نے اظہار تشکر کرتے ہوئے لکھا کہ الحمدللہ، اللہ سبحان و تعالیٰ نے مجھے ایشیائ سے باہر دنیا کے بلند ترین مقام پر اذان دینے کا موقع دیا۔ اللہ اکبر اللہ اکبر.
گزشتہ ہفتے شیئر کی گئی سعد منور کی مذکورہ ویڈیو کو 30 ہزار بار دیکھا اور 4 ہزار سے زائد بار پسند کیا جا چکا ہے، ان کی وائرل ویڈیو پر صارفین نے تبصرہ کرتے ہوئے انہیں اس اعزاز پر مبارکباد دی، انہیں خوب سراہا اور ان پر فخر کا اظہار بھی کیا ہے۔
