آفریدی اب آفریدی کا ہی ریکارڈ توڑ دے گا

قومی ٹیم کے فاسٹ بولر شاہین شاہ آفریدی اپنے سُسر شاہد آفریدی کا ریکارڈ توڑنے سے محض ایک قدم دور ہیں۔

جنوبی افریقا کیخلاف آج ڈربن میں شیڈول میچ میں فاسٹ بولر شاہین شاہ آفریدی ایک وکٹ لیکر سُسر شاہد آفریدی کا 97 ٹی20 انٹرنیشنل وکٹیں لینے کا ریکارڈ اپنے نام کرسکتے ہیں۔

ٹی20 میں پاکستان کیلئے سب سے زیادہ وکٹیں حاصل کرنیوالے کھلاڑی:

پاکستان کیلئے سب سے زیادہ ٹی20 انٹرنیشنل میچز میں وکٹیں حاصل کرنے ریکارڈ حارث رؤف کے نام ہے انہوں نے 75 اننگز میں 110 وکٹیں حاصل کررکھی ہیں، فہرست میں دوسرے نمبر پر شاداب خان موجود ہیں جنہوں نے 96 اننگز میں 107 وکٹیں لی ہیں۔

ایلیٹ فہرست میں تیسرے نمبر پر شاہد آفریدی موجود ہیں جنہوں نے 73 اننگز میں 97 وکٹیں لے رکھی ہیں جبکہ چوتھے نمبر پر انکے داماد شاہین آفریدی موجود ہیں جو 96 اننگز میں 97 وکٹیں حاصل کرچکے ہیں اور اپنے سُسر کا ریکارڈ توڑنے سے محض ایک قدم دور ہیں۔

اس فہرست میں پانچواں نمبر سعید اجمل کا ہے جنہوں نے 63 اننگز میں 85 ٹی20 انٹرنیشنلز وکٹیں لے رکھی ہیں۔