پاکستانی مشہور خاتون اینکر ریحام خان نے مرزا بلال کیساتھ شادی کی دوسری سالگرہ پر برائیڈل شوٹ سے صارفین کے دل موہ لیے۔
ریحام خان ان دنوں مرزا بلال کیساتھ اپنی شادی کی دوسری سالگرہ کا جشن مناتی نظر آرہی ہیں، سوشل میڈیا پر وائرل برائیڈل شوٹ میں ریحام خان کو دلہن کے روپ میں غضب ڈھاتے دیکھا جا سکتا ہے۔ جبکہ فوٹو شوٹ میں انکے ساتھ ان کے شوہر مرزا بلال بھی اپنی اہلیہ سے میچنگ کرتے ہوئے لباس میں شوٹ کو چار چاند لگا رہے ہیں۔
ریحام خان نے اپنے شوہر مرزا بلال کے ساتھ ایک دلکش فوٹو شوٹ شیئر کرتے ہوئے پوسٹ کے کیپشن میں لکھا کہ،’ہماری مشترکہ زندگی کا جشن وقت کے سفر کے ساتھ منا رہے ہیں۔
دوسری جانب ریحام خان کے مداح ان کے فوٹو شوٹ کی تعریف کر رہے ہیں۔ بہت سے لوگ سابق ٹی وی اینکر پرسن کو دعائیہ کلمات اور نیک خواہشات کے پیغام پیش کر رہے ہیں۔
یاد رہے کہ ریحام خان کی اس سے پہلے بھی دو شادیاں ہو چکی ہیں ۔ ان کی پہلی شادی 1993میں اعجاز رحمان کیساتھ ہوئی تھی جو بدقسمتی سے سال 2005 تک چل سکی اور دونوں نے ایک دوسرے سے علیحدہ ہونے کا فیصلہ کرلیا۔
بعد ازاں ریحام خان کی دوسری شادی پاکستان کے سابق وزیرِ اعظم عمران خان کے ساتھ سال 2014 میں ہو ئی جو تقریبا ایک سال بعد 2015 میں طلاق پر ختم ہوگئی۔
اب ریحام خان نے تیسری شادی امریکی خوبرو ماڈل اور اداکار مرزا بلال سے کی ہے اور دونوں ایک ساتھ خوشگوارزندگی بسر کر رہے ہیں۔
