غزہ میں القسام بریگیڈ کی جانب سے اسرائیلی فوجیوں پر حملہ کیا گیا۔ حملے میں متعدد اسرائیلی فوجی ہلاک اور زخمی ہوئے ہیں۔
عرب میڈیا کے مطابق القسام بریگیڈ نے بتایا کہ خان یونس میں اسرائیلی فوج کے دو یونٹس پر کامیاب حملہ کیا گیا۔
القسام بریگیڈ نے کہا کہ حملے میں متعدد اسرائیلی فوجی ہلاک اور زخمی ہوئے ہیں۔
دوسری جانب بحیرہ احمر میں یمن کے حوثی گروپ کے حملے جاری ہیں۔ اس سلسلے میں اطالوی فوج نے کہا اطالوی بحریہ نے بحیرہ احمر میں دو ڈرون مار گرائے۔
عرب میڈیا کے مطابق اطالوی بحریہ بحیرہ احمر میں یورپی یونین نیول مشن کا حصہ ہے۔
