گاڑیوں کے شوقین افراد کیلئے خوشخبری، قیمتوں میں زبردست کمی

انڈس موٹرز نے اپنی مشہور گاڑی ’ کرولا کراس‘ کی پہلی سالگرہ کے موقع پر صارفین کیلئے قیمت میں بڑی کمی کا اعلان کر دیاہے جو کہ محدود محدت کیلئے ہو گی۔

ٹیوٹا پاکستان نے فیس بک کے آفیشل پیج پر جاری پیغام میں کہا کہ گاڑی کی قیمت میں 8لاکھ روپے سے 9 لاکھ روپے تک کمی کر دی گئی ہے ، قیمت میں کمی گاڑیوں کی محدود تعداد پر کی گئی ہے۔

کرولا کراس ایچ وی ہائی

کمپنی کی جانب سے کرولا کراس ایچ وی ہائی (Corolla Cross HV High) کی قیمت 98 لاکھ 49 ہزار روپے سے کم کر کے 89 لاکھ 99 ہزار روپے کر دی گئی ہے ، اس گاڑی کی قیمت میں 8 لاکھ 50 ہزار روپے کمی کی گئی ہے۔

کرولا کراس ایچ وی ایم آئی ڈی

ٹیوٹا نے کرولا کراس ایچ وی ایم آئی ڈی (Corolla Cross HV MID) کی قیمت میں 8 لاکھ روپے کمی کرتے ہوئے قیمت 85 لاکھ 99 ہزار روپے مقرر کر دی گئی ہے جبکہ اس سے قبل یہ گاڑی 93 لاکھ 99 ہزار روپے میں فروخت کی جارہی تھی۔

کرولا کراس پیٹرول ہائی

انڈس موٹرز نے کرولا کراس پیٹرول ہائی (Corolla Cross Petrol High) کی قیمت میں 9 لاکھ روپے کی کمی کر دی ہے جس کے بعد قیمت 88 لاکھ 99 ہزار روپے سے کم ہو کر 79 لاکھ 99 ہزار روپے ہو گئی ہے۔

کرولا کراس پیٹرول لو

کمپنی نے کرولا کراس پیٹرول لو (Corolla Cross Petrol Low) کی قیمت 9 لاکھ کم کرتے ہوئے 72 لاکھ 99 ہزار روپے کر دی ہے جبکہ اس سے قبل یہ گاڑی 81 لاکھ 99 ہزار روپے میں فروخت ہو رہی تھی۔