انسان کی اچھی صحت کے لئے جسمانی سرگرمیاں انتہائی اہمیت کی حامل ہیں، ماہرین کا ماننا ہے کہ چلنا اور دوڑنا یہ دونوں سرگرمیاں ہی قلب کوصحت مند رکھنے میں مدد گار ثابت ہوتی ہے۔
ورزش کرنے سے آپ کی دل کی دھڑکن میں اضافہ ہوجاتا ہے جیسے دوڑنا، تیراکی، سائیکل چلانا، ٹینس یا رگنگ کرنا۔
مجموعی طور پر یہ سرگرمیاں انسانی صحت کے لئے انتہائی اہمیت کی حامل ہیں، اس کے سبب موت کا خطرہ بھی کم ہوجاتا ہے۔ مدافعتی، نظام ہاضمہ، پٹھوں، سانس اور قلبی نظام بہتر ہوتا ہے، اس کے علاوہ جسم کی اضافی چربی کو کنٹرول کرنے میں مدد ملتی ہے۔
دوڑنے کے فائدے:
دوڑنے سے بھی چہل قدمی سے ملتے جلتے فوائد حاصل کئے جاسکتے ہیں، اس کی زیادہ شدت دل کو مزید تحریک فراہم کرتی ہے جو دل کو زیادہ محنت کرنے پر مجبور کرتی ہے، اس طرح جسم میں کئی صحت مند تندیلیاں جنم لیتی ہیں۔
دوڑنے سے آپ کا جسم گلوکوز کو اچھی طرح استعمال کرتا ہے، کیونکہ دوڑنے کے لیے زیادہ توانائی کی ضرورت ہوتی ہے یہی وجہ ہے کہ آپ کم وقت میں زیادہ کیلوریزاستعمال کرتے ہیں۔ اس سے دل کی کارکردگی بہتر ہوتی ہے، دل کے خون پمپ کرنی کی صلاحیت میں اضافہ ہوتا ہے۔ جسم میں خون کی گردش بہتر ہوتی ہے۔
پیدل چلنے کے فائدے:
ماہرین کا ماننا ہے کہ پیدل چلنے سے انسان متحرک رہتا ہے تاہم یہ ایک کم اثر رکھنے والا طریقہ ہے اور جوڑوں پر اتنا اثر نہیں ڈالتا جتنا دوڑنے کی صورت میں ہوتا ہے، اس کی وجہ یہ ہے کہ چلنے کے دوران ہر قدم پر وزن کی منتقلی قدرے آہستہ ہوتی ہے۔
چلنے سے پٹھے چربی کو بطورایندھن استعمال کرتے ہیں اس طرح طویل عرصے تک چلنا ایروبک صلاحیت کو بہتر بناتا ہے، ایروبک صلاحیت سے مراد یہ ہے کہ آپ کا جسم ورزش کے دوران آکسیجن کو کتنی اچھی طرح استعمال کرتا ہے، چلنے سے پٹھے چربی کو بطورایندھن استعمال کرتے ہیں۔
نمک سوچ سمجھ کر استعمال کریں ورنہ ۔ ۔ ۔ ۔ ۔ !!
زیادہ پیدل چلنے سے دل کے پٹھے متحرک رہتے ہیں، خون اچھی طرح گردش کرتا رہتا ہے اور وقت کے ساتھ ساتھ بلڈ پریشر کو کم کرتا ہے۔
