عوامی نیشنل پارٹی (اے این پی) کے رہنما ایمل ولی نے کہا ہے کہ عوام سوچ و فکر اور جمہوریت کو ووٹ دیں، اگر صرف دعا کےلیے ووٹ دینا ہے تو مولانا کو ووٹ دیں، ہمارا نظریہ عوام کی طاقت اور رائے کا نظریہ ہے۔
چارسدہ میں جلسے سے خطاب کرتے ہوئے ایمل ولی نے کہا کہ قیام امن کیلئے قانون نافذ کرنے والے ادارے کردار ادا کریں، بدامنی کی صورت میں ٹرن آؤٹ کم ہونے کا خدشہ ہے۔
اے این پی رہنما نے مزید کہا کہ اگر انتہاپسندی اور بد امنی کا خاتمہ چاہتے ہیں تو اے این پی کا ساتھ دیں۔
انہوں نے مزید کہا کہ اکثر لوگوں کی خواہش تھی کہ میں مہم کیلئے نہ نکلوں، شکر ہے الیکشن مہم پر امن طریقے سے مکمل ہوئی۔
