اسلام آباد ( ڈیلی پاکستان آن لائن ) جماعت اسلامی کا اسلام آباد میں غزہ ملین مارچ آج ہوگا۔
نجی ٹی وی دنیا نیوز نے سیکرٹری اطلاعات جماعت اسلامی قیصر شریف کی جانب سے جاری بیان کے حوالے سے بتایا کہ غزہ ملین مارچ کی تیاریاں مکمل کر لی گئی ہیں، اسلام آباد کے تاریخی غزہ ملین میں خواتین، بچے بھی شریک ہوں گے، امیر جماعت اسلامی حافظ نعیم الرحمان غزہ ملین مارچ کی قیادت کریں گے۔
امیر جماعت اسلامی آئندہ کا لائحہ عمل دیں گے، حافظ نعیم الرحمان سہ پہر 4 بجے غزہ ملین مارچ سے خطاب کریں گے۔
قیصر شریف کا کہنا تھا کہ پاکستانی قوم اہل غزہ کے مصائب، پریشانیوں میں ان کے ساتھ کھڑی ہے۔
