پاکستان ٹیسٹ کرکٹ ٹیم کے آل راؤنڈر سلمان علی آغا نے کہا ہے کہ دوسرے ٹیسٹ کی پچ پہلے ٹیسٹ سے بہت مختلف ہے۔
راولپنڈی میں دوسرے ٹیسٹ کے دوسرے دن کے اختتام پر سلمان علی آغا نے پریس کانفرنس کی اور کہا کہ دوسرے ٹیسٹ کی پچ پر اسپن کم لگ رہا ہے۔
اپنی ذاتی پرفارمنس سے متعلق انہوں نے کہا کہ اچھا اسٹارٹ ملے تو بڑے رنز کرنے کی کوشش کرتا ہوں۔
سلمان علی آغا نے مزید کہا کہ پاکستانی فاسٹ بولرز کے پاس پنڈی اسٹیڈیم میں کھیلنے کا کافی تجربہ ہے۔
انہوں نے مزید کہا کہ ہر بیٹر اپنے حساب سے بیٹنگ کرتا ہے، کسی کو خصوصی طور پر تیز کھیلنے کی ہدایت نہیں۔
