عمرے کے نام پر 37 شہریوں سے رقم بٹور چکا تھا، ویزہ فراڈ کے گھناؤنے جرم میں ملوث …
اسلام آباد (ڈیلی پاکستان آن لائن) ایف آئی اے نے اسلام آباد میں کارروائی کرتے ہوئے 37 شہریوں کو عمرے کے نام پر چونا لگانے والے بدنام زمانہ ملزم کو گرفتار کر لیا۔
نجی ٹی وی دنیا نیوز کے مطابق وفاقی تحقیقاتی ادارے (ایف آئی اے) نے وفاقی دارالحکومت کے گولڑہ موڑ پر کارروائی کی۔ ملزم سادہ لوح افراد کو عمرے کا کہہ کر 85 لاکھ سے زائد رقم ہتھیا چکا تھا اور بھجوانے میں ناکام رہا۔
ترجمان کا کہنا تھا کہ ملزم رقم بٹور کر غائب ہو گیا تھا جس پر کارروائی کر کے حراست میں لے لیا۔
