لاہور کے علاقے نجف کالونی اقبال ٹاؤن میں دوران ڈکیتی مزاحمت پر باپ قتل اور بیٹا زخمی ہوگیا۔
پولیس کا کہنا ہے کہ نوجوان شعیب اپنے والد کے لیے مال روڈ پر منی چینجر سے ریال لے کر آرہا تھا، شعیب گھر کی دہلیز پر پہنچا تو موٹر سائیکل سوار ڈاکوؤں نے لوٹنے کی کوشش کی۔
پولیس کے مطابق مزاحمت کرنے پر ڈاکوؤں نے نوجوان کو ٹانگ میں گولی ماری، نوجوان شعیب کے والد گھر سے باہر آئے تو ڈاکوؤں نے ان پر بھی گولی چلادی۔
پولیس کے مطابق مقتول فاروق کو حج کی ادائیگی کے لیے کل سعودی عرب روانہ ہونا تھا۔
