مسلم لیگ ن کی رہنما عظمیٰ کاردار نے کہا ہے کہ پاکستان میں انسانی اسمگلنگ کا مسئلہ نیا نہیں ہے۔
لاہور میں پریس کانفرنس کرتے ہوئے انہوں نے کہا کہ 15 دسمبر کو ایک کشتی سمندر میں ڈوبی جس میں 80 پاکستانی سوار تھے۔
عظمیٰ کاردار نے کہا کہ 5 پاکستانی اس حادثے میں جاں بحق اور 47 لاپتہ ہوئے، اسپیکر پنجاب اسمبلی نے انسانی اسمگلنگ پر پارلیمنٹیرینز کی کمیٹی بنائی ہے۔
انہوں نے کہا کہ پارلیمنٹیرینز کی یہ ذمے داری ہو گی کہ وہ قانون بنائے تاکہ انسانی اسمگلنگ کو روکا جا سکے۔
ن لیگ کی رہنما نے یہ بھی کہا کہ ہم نے منڈی بہاؤ الدین سے 2 انسانی اسمگلرز کو پکڑا بھی ہے۔
