پاکستان پیپلز پارٹی کے چیف میڈیا کوآرڈینیٹر نذیر ڈھوکی انتقال کر گئے۔
اس حوالے سے صدرِ پاکستان آصف زرداری نے پیپلز پارٹی کے میڈیا کوآرڈینیٹر نذیر حسین ڈھوکی کے انتقال پر اظہارِ افسوس کرتے ہوئے مرحوم کی پیپلز پارٹی کے لیے خدمات کو خراج تحسین پیش کیا ہے۔
صدرِ مملکت نے مرحوم کے لیے دعائے مغفرت اور اہلِ خانہ کے لیے صبرِ جمیل کی دعا کی ہے۔
دوسری جانب پیپلز پارٹی کی رہنما شازیہ مری کا کہنا ہے کہ نذیر ڈھوکی نے شہید محترمہ بے نظیر بھٹو کی میڈیا ٹیم ممبر کی حیثیت سے کام شروع کیا۔
شازیہ مری کا یہ بھی کہنا ہے کہ نذیر ڈھوکی کی خدمات کو پیپلز پارٹی کبھی فراموش نہیں کرے گی۔
