(24نیوز)ڈہرکی میں اغوا برائے تاوان کی وارداتیں تھم نہ سکیں،2نوجوانوں کو ڈاکوؤں نے اغوا کر لیا اور ایک کروڑ تاوان طلب کا مطالبہ کر دیا۔
ورثا کے مطابق ڈہرکی کے قریب گاؤں کھنڈو کوبھر کے رہائشی دو نوجوان گزشتہ روز سے گھر واپس نہیں آئے، جن کو ڈاکوؤں نے اغوا کرلیا ہے ، نوجوان مشتاق علی اور آصف علی گذشتہ روز سے لاپتہ تھے ، ورثاء نے دونوں کے اغوا کی تصدیق کر لی ہے، ڈاکوؤں نے ورثا سے ایک کروڑ روپے تاوان طلب کیا ہے ،تاوان کی رقم نہ دینے پر ڈاکوؤں نے دونوں کو جان سے مارنے کی دھمکی دی ہے ۔
پولیس کاکہنا ہے کہ ورثا نے لاپتہ نوجوانوں کیلئے کوئی درخواست نہیں دی،ورثا نے ایس ایس پی گھوٹکی سے دونوں کی بازیابی کیلئے اپیل کی ہے۔
