پاکستان ٹیلی کمیونیکیشن اتھارٹی (پی ٹی اے) نے کہا ہے کہ عارضی بینڈوتھ کو سسٹم میں شامل کر لیا گیا ہے۔
پی ٹی اے کی جانب سے اعلامیے میں کہا ہے کہ سب میرین کیبل اے اے ای ون میں پیدا خرابی کے پیشِ نظر عارضی بینڈوڈتھ کا بندوست کر لیا ہے۔
اعلامیے میں کہا گیا ہے کہ اس وقت ملک بھر میں انٹرنیٹ سروسز کے حوالے سے ڈی گریڈیشن نہیں ہے۔
پی ٹی اے کا کہنا ہے کہ اے اے ای ون سب میرین کیبل کی بحالی کے عمل کی مسلسل نگرانی کی جا رہی ہے۔
پاکستان ٹیلی کمیونیکیشن اتھارٹی کے اعلامیے میں یہ بھی کہا گیا ہے کہ پی ٹی اے تمام سروسز کی فعالیت کو یقینی بنانے کے لیے پُرعزم ہے۔
دوسری جانب انٹرنیٹ مانیٹر ٹاپ ٹین وی پی این کی رپورٹ میں کہا گیا ہے کہ پاکستان میں انٹرنیٹ سست ہونے سے 1.62 ارب ڈالرز کے مالی نقصان کا تخمینہ لگایا گیا ہے۔
رپورٹ میں کہا گیا ہے کہ 2024ء میں 18 مواقع پر انٹر نیٹ کو سلو کیا گیا، پاکستان میں تقریباً 10 ہزار گھنٹوں کے انٹرنیٹ خلل سے 8 کروڑ 83 لاکھ صارفین متاثر ہوئے۔
دنیا بھر میں انٹر نیٹ سست روی 88 ہزار گھنٹے سے 7.69 ارب ڈالرز کا نقصان ہوا، نقصانات کا تخمینہ کاسٹ آف شٹ ڈاؤن ٹول سے لگایا گیا ہے۔
