پاکستانی آل راؤنڈر عالیہ ریاض اور سابق کرکٹر وقار یونس کے چھوٹے بھائی، کمینٹیٹر علی یونس آج یعنی جمعے کو رشتۂ ازدواج میں بندھ جائیں گے۔
اس جوڑی کے نکاح کی تقریب جمعے کی شب لاہور کے نجی فارم ہاؤس پر منعقد ہوگی جس میں ماحول کو مزید خوشگوار بنانے کے لیے قوالی نائٹ کا بھی خصوصی اہتمام کیا جائے گا۔
ویمن کرکٹرعالیہ ریاض اور کمنٹیٹر علی یونس کے نکاح کی تقریب میں عزیز و اقارب کے علاوہ کرکٹرز کی شرکت بھی متوقع ہے۔
یاد رہے کہ اس جوڑی کی منگنی کی تقریب چند روز قبل واہ کینٹ میں منعقد ہوئی تھی۔
