(24نیوز)کیپ ٹاؤن ٹیسٹ میں جنوبی افریقی بولر آپے سے باہر ہو گئے۔
فالو آن کے بعد دوسری اننگز میں 141 رنز پر ایک بھی وکٹ نہ ملنے پر جنوبی افریقی بولر نے سارا غصہ بابراعظم کو گیند مار کر نکال دیا۔دائیں ہاتھ کے فاسٹ بولر نے گیند تھامنے کے بعد وکٹ کی بجائے بابراعظم کی جانب پھینک دی حالانکہ بابراعظم وکٹ سے کافی دور تھے۔
بولر کی اس حرکت پر دھیمے مزاج بابراعظم بھی غصے میں آگئے اور انہوں نے اپنے ردعمل کا اظہار بولر کی آنکھوں میں آنکھیں ڈال کر کیا۔
یہ بھی پڑھیں:پی بی 45کا پہلا غیرحتمی غیرسرکاری نتیجہ سامنے آ گیا
اس گرما گرمی پر کپتان شان مسعود آگے آئے اور امپائر سے بولر کے رویے کی شکایت کی۔ اگلی گیند پر جب دونوں آمنے سامنے آئے تو بولر کو اپنی غلطی کا احساس ہوا اور انہوں نے مسکراتے ہوئے بابر اعظم سے بات کی۔مسکراہٹ کا جواب بابراعظم نے بھی مسکرا کر دیا اور دونوں کے مابین معاملہ خوش اسلوبی سے انجام کو پہنچا۔
یہ بھی پڑھیں:تعلیمی ادارے کب کھلیں گے؟تاریخ سامنے آ گئی
