(24نیوز)ملتان ٹیسٹ میچ کے تیسرے روز انگلینڈ نے چائے کے وقفے تک پاکستان کیخلاف 3 وکٹوں کے نقصان پر 351 رنز بنالیے۔ملتان ٹیسٹ کے تیسرے روز انگلیںڈ نے 96 رنز سے اننگز کا آغاز کیا تو محض 17 رنز کے اضافے پر زیک کرولی 78 کے انفرادی اسکور پر وکٹ گنوا بیٹھے۔
بعدازاں جو روٹ اور بین ڈکٹ نے 136 رنز کی جارحانہ پارٹنرشپ قائم کی تاہم ڈکٹ 84 کے انفرادی سکور پر آؤٹ ہوئے گئے۔ جو روٹ 119 اور ہیری بروک 64 رنز بناکر کریز پر موجود ہیں۔
پاکستان کی جانب سے شاہین شاہ آفریدی اور عامر جمال نے ایک ایک وکٹ حاصل کی۔
