لاہور(ڈیلی پاکستان آن لائن)پریمئر سپر کرکٹ لیگ سیمی فائنل مرحلے میں داخل ہوگئی، ڈی پی ایس کی ٹیم نے ڈیسکو ن کو پچھاڑ کر ٹاپ فور میں جگہ بنا لی ۔ ایل سی سی اے کرکٹ گرائونڈ میں کھیلے گئے اہم ترین میچ میں ڈی پی ایس اور ڈیسکون کی ٹیمیں سیمی فائنل کھیلنے کا خواب لے کر میدان میں اتریں لیکن ڈی پی ایس کی ٹیم نے ڈیسکون کو پچھاڑ کر اس کا خوب چکنا چور کر دیا اور سیمی فائنل کھیلنے والی چوتھی ٹیم کے طو رپر سامنے آ گئی ۔ گروپ مرحلے کے آخری میچ میں اولڈ راوینز نے پاکستان ائیر پورٹ اتھارٹی کو شکست دی ۔ پریمئر سپر لیگ کے چیف آرگنائزر فہیم مختار بٹ نے گفتگو کرتے ہوئے کہا کہ گروپ میچز کا مرحلہ خوش اسلوبی سے پایہ تکمیل کو پہنچ گیا ہے ، تمام ٹیموں نے بھرپور ڈسپلن کا مظاہرہ کیا ۔ انہوںنے بتایا کہ سیمی فائنل کھیلنے والی چار ٹیموں کا فیصلہ ہوگیا ہے جس میں پہلے سیمی فائنل میں دفاعی چمپئن نیٹ سول اور ایکسپر ڈیجیز کی ٹیمیں مد مقابل ہوں گی دوسرے سیمی فائنل میں نووا میڈ الیون اور ڈی پی ایس مد مقابل آئیں گی۔
