(24 نیوز) پاکستان کرکٹ بورڈ کے چیئرمین محسن نقوی نے قذافی سٹیڈیم کا تعمیراتی کام 25 جنوری تک مکمل کرنے کی ہدایت کردی۔
چیئرمین پی سی بی محسن نقوی نے قذافی سٹیڈیم کا تفصیلی دورہ کرکے سٹیڈیم کی تعمیر نو پر پیش رفت کا جائزہ لیا اور تعمیراتی کاموں کا تفصیلی معائنہ کیا جبکہ انہوں نے مین بلڈنگ کے تمام فلورز کا وزٹ کیا۔
اس موقع پر محسن نقوی نے کہا کہ اچھی سی تقریب میں سٹیڈیم کا افتتاح کیا جائے گا۔
مزید پڑھیں:ویسٹ انڈیز کی ٹیم19 سال بعد ٹیسٹ سیریز کھیلنے پاکستان پہنچ گئی
قومی ٹیم کی پرفارمنس پر چیئرمین کا کہنا تھا کہ ٹیم فائٹ کر رہی ہے اور ہار جیت ہوتی رہتی ہے۔
چیئرمین پی سی بی کا کہنا تھا کہ صائم ایوب کل علاج کے لیے انگلینڈ جائیں گے، ان کی ٹریٹمنٹ خراب نہیں ہوگی۔
