ہندوستان نے آئرلینڈ کو آٹھ وکٹ سے شکست دی

ویراٹ کے آؤٹ ہونے کے بعد روہت شرما اور رشبھ پنت نے اچھی شراکت داری کی اور ٹیم کا اسکور 76 رنز تک پہنچایا جب 10ویں اوور میں روہت شرما ہرٹ ہو کر پویلین لوٹ گئے۔ روہت نے 37 گیندوں میں 52 رن کی اننگز کھیلی، جس میں چار چوکے اور تین چھکے لگے۔ سوریہ کمار یادو دو رنز بنانے کے بعد آؤٹ ہوئے۔ رشبھ پنت نے 26 گیندوں میں تین چوکے اور دو چھکے لگا کر ناقابل شکست 36 رنز بنائے۔ ہندوستان نے 12.2 اوور میں دو وکٹ پر 97 رن بنائے اور یہ میچ آٹھ وکٹ سے جیت لیا۔ آئرلینڈ کی جانب سے مارک ایڈیئر اور بین وائٹ نے ایک ایک وکٹ حاصل کی۔اس سے قبل ہندوستانی گیند بازوں نے پوری آئرش ٹیم کو 96 کے اسکور پر سمیٹ دیا تھا۔