امریکہ برطانیہ اور سعودی عرب سمیت کن کن ممالک میں آج عید الفطر منائی جا رہی ہے ؟

 اسلام آباد ( مانیٹرنگ ڈیسک ) امریکہ ، برطانیہ اور سعودی عرب سمیت کئی ممالک میں آج عید الفطر  مذہبی عقیدت و احترام کیساتھ منائی جا رہی ہے ۔ طویل عرصے بعد امریکا، کینڈا، برطانیہ سمیت یورپ میں تمام مکاتب فکر  آج عید منا رہے ہیں۔

“جیو نیوز ” کے مطابق سعودی عرب، متحدہ عرب امارات، افغانستان، قطر، فلپائن، ملائشیا اور  آسٹریلیا سمیت مختلف ممالک میں بھی آج عیدالفطر  منائی جا رہی ہے۔عید الفطر کے موقع پر  مسجد الحرام اور  مسجد نبویﷺ میں نماز عید کے بڑے اجتماعات کا اہتمام کیا گیا ہے۔اس کے علاوہ مقبوضہ کشمیر میں بھی آج پاکستان کے ساتھ عید منائی جا رہی ہے۔