اسرائیل کی فوج نے کہا ہے کہ ایران کی جانب سے بھیجے گئے99 فی صد ڈرون اور میزائل تباہ کر دیے گئے ہیں۔
اسرائیل کی فوج کے ترجمان ڈینیئل ہگاری نے اتوار کو اپنے بیان میں کہا ہے کہ “ایرانی حملے کو ناکام بنا دیا گیا ہے۔”
دوسری جانب ایران کی پاسدارانِ انقلاب نے اسرائیل پر حملوں کی تصدیق کرتے ہوئے دعویٰ کہا ہے کہ ایرانی ڈرونز اور میزائلوں نے اپنے اہداف کو کامیابی سے نشانہ بنایا ہے۔
پاسدارانِ انقلاب کی جانب سے جاری بیان میں کہا گیا ہے کہ درجنوں میزائلوں اور ڈرونز نے اسرائیلی ملٹری ٹارگٹس کو کامیابی سے نشانہ بنایا اور انہیں تباہ کر دیا۔
