جنوبی کوریا میں امریکی ایف 16 لڑاکا طیارہ سمندر میں گر کرتباہ
سیول (ویب ڈیسک) جنوبی کوریا میں امریکی ایف 16 لڑاکا طیارہ سمندر میں گر کر تباہ ہوگیا۔
جیو نیوز کے مطابق جنوبی کوریا میں امریکی فضائیہ کے یونٹ نے تصدیق کرتے ہوئے کہا کہ طیارے کو سمندر کے اوپر ایمرجنسی صورتحال کا سامنا کرنا پڑا جس کے بعد وہ گر کر تباہ ہوگیا۔امریکی فضائیہ کے مطابق طیارے سے ایجیکٹ کرنے والے پائلٹ کو با حفاظت ریسکیو کرلیا گیا ہے۔
واضح رہے کہ جنوبی کوریا میں ایک ماہ میں امریکی ایف 16 طیارہ گرنے کا یہ دوسرا واقعہ ہے۔
