واشنگٹن (جنگ نیوز ، ایجنسیاں) نومنتخب امریکی صدرڈونلڈ ٹرمپ نے امریکی اسٹیبلشمنٹ میں بڑے پیمانے پر کانٹ چھانٹ کرنیکا فیصلہ کرلیا ہےجس کے پیش نظرامریکی محکمہ دفاع پینٹاگون میں سراسیمگی پائی جاتی ہے اور اس امر پر غورو فکرجاتی ہے کہ ٹرمپ کو ’’ غیرقانونی احکامات ‘‘ سے کیسے روکا جائے۔ محکمہ دفاع کے ایک اہلکار نے نے ایک بیان میں کہا ہے کہ ہم بدترین صورتحال کے لیے تیاری کر رہے ہیں لیکن فی الحال کوئی فیصلہ نہیں ہوا،قانون عسکری حکام کو غیر قانونی احکامات نہ ماننے کی اجازت دیتا ہے،امریکی فوج کی شہری علاقوں میں تعیناتی کا اقدام غیر قانونی ہوگا۔امریکی میڈیا کے مطابق پچھلی حکومت میں جنرل مارک ملی نے ٹرمپ کی ایٹمی بٹن تک رسائی محدود کی تھی۔
