پی ایس ایکس 100 انڈیکس کاروباری ہفتے میں مسلسل تیسرے روز 66 ہزار سے اوپر گیا لیکن کاروبار کے اختتام تک واپس نیچے آگیا۔
پاکستان اسٹاک ایکسیچنج میں آج کاروبار کا ملا جلا دن رہا۔ کاروبار کا آغاز بینچ مارک انڈیکس نے مثبت کیا اور ایک موقع پر سوا چار سو پوائنٹس اضافے سے 66 ہزار 150 بھی ہوا تاہم کاروبار کے اختتام یہ اضافہ برقرار نہیں رہ سکا۔
100 انڈیکس نے کاروبار کا اختتام 69 پوائنٹس کم ہوکر 65 ہزار 656 پر کیا ہے۔
بازار میں آج 41 کروڑ شیئرز کے سودے 18 ارب سے زائد روپوں میں طے ہوئے۔ مارکیٹ کیپٹلائزیشن آج 6 ارب روپے بڑھی ہے، یوں مارکیٹ کیپٹلائزیشن کاروبار کے اختتام پر 9 ہزار 343 روپے ہے۔
