تونسہ ( ڈیلی پاکستان آن لائن ) تھانہ سٹی تونسہ کی حدود میں پولیس سے مقابلے کے دوران فتنہ الخوارج کے 2 دہشت گرد مارے گئے۔
پولیس ذرائع کے مطابق 24 اگست کو تھانہ سٹی تونسہ کی حدود میں سٹی فوڈ کلب کے قریب فتنہ الخوارج کا ایک گروہ دہشت گردی کی بڑی کارروائی کیلئے موجود تھا، ایس ایچ او تحصیل وہوا کی جانب سے دہشت گردوں کی موجودگی کی خفیہ اطلاع پر فوری چھاپہ مارا گیا۔پولیس کے پہنچتے ہی دہشت گردوں نے پولیس پارٹی پر فائرنگ شروع کر دی جہاں پولیس نے جوابی کارروائی کرتے ہوئے 2 خارجی دہشت گردوں کو جہنم واصل کر دیا۔ذرائع کے مطابق شدید فائرنگ کے تبادلے میں ایس ایچ او وہوا، سب انسپکٹر صادق اور کانسٹیبل مظہر نذیر زخمی ہوگئے، زخمی پولیس اہلکاروں کو تحصیل ہیڈ کوارٹر تونسہ منتقل کر دیا گیا جہاں انہیں طبی امداد دی جا رہی ہے۔قانون نافذ کرنے والے اداروں کی اس کارروائی سے فتنہ الخوارج کو شدید دھچکا لگا، اہل علاقہ نے دہشت گردوں کا مردانہ وار مقابلہ کرنے پر پولیس جوانوں کی حوصلہ افزائی کی۔
حکام کے مطابق قانون نافذ کرنے والے ادارے اور سکیورٹی فورسز وطن عزیز سے دہشت گردی کے خاتمے کیلئے پ±رعزم ہیں۔
