کراچی میں راشد منہاس روڈ پر جوہرآباد کے قریب فائرنگ سے زخمی ہونے والا پولیس اہلکار دم توڑ گیا۔
پولیس کے مطابق جاں بحق اہلکار کی شناخت کانسٹیبل شبیر احمد کے نام سے ہوئی ہے، کانسٹیبل نے وردی کے اوپر اپر پہنا ہوا تھا، واقعہ ٹارگٹ کلنگ معلوم ہوتا ہے۔
پولیس کا بتانا ہے کہ واقعے کی جگہ سے گولیوں کے 11 خول ملے ہیں اور کرائم سین یونٹ نے مزید شواہد بھی اکٹھے کیے ہیں۔
پولیس کے مطابق رواں سال فائرنگ کے واقعات میں 6 پولیس اہلکار جاں بحق ہوچکے ہیں۔
