راہل دراوڑ کا یہ آڈیو پیغام سن کر گمبھیر انتہائی جذباتی ہو گئے۔ انھوں نے کہا کہ راہل دراوڑ نے ہمیشہ وہ کیا جو ہندوستانی کرکٹ کے لیے ضروری تھا۔ ویڈیو میں گمبھیر کہتے دکھائی دیتے ہیں کہ ’’راہل دراوڑ وہ شخص ہیں جن کو میں کافی پہلے سے مانتا ہوں۔ میں نے کئی بار کہا ہے کہ میں جتنے بھی کھلاڑیوں کے ساتھ کھیلا ہوں، ان میں سے راہل بھائی وہ کرکٹر ہیں جو اپنے لیے کبھی نہیں کھیلے۔ انھوں نے ہندوستانی کرکٹ کے لیے ہر وہ کام کیا جو ضروری تھا۔‘‘
