قطر کے دارالحکومت دوحہ میں دو دن کے طویل مذاکرات کے بعد حماس نے اسماعیل ہنیہ کی جگہ یحیٰی سنوار کو نیا سربراہ مقرر کرنے کا اعلان کیا ہے، جس کے بعد 2007 سے غزہ کی پٹی میں تنظیم کے قائد اب حماس کے سیاسی رہنما بن گئے ہیں۔
فلسطین کی مزاحتمی تحریک حماس نے منگل کے روز جاری کردہ بیان میں اس امر کی تصدیق کی ہے کہ تہران میں قتل ہونے والے تنظیم کے پولٹ بیورو کے سربراہ اسماعیل ہنیہ کے بعد غزہ میں حماس کے اہم رہنما یحییٰ سنوار گروپ کے نئے سربراہ ہوں گے۔
